ANONG MGA TEKNOLOHIYA GINAGAMIT NG MGA MAG-AARAL?

Kasabay ng mabilis na pag-usad ng panahon ang mabilis na pagbabago sa mundo dahil sa pagkasilang ng teknolohiya. Saan mang sulok ng daigdig, mayaman o mahirap mang bansa, lahat ay gumagamit na ng makabagong pamamaraan ng teknolohiya sa iba’t-ibang uri ng larangan kagaya ng pag-aaral.

Sa loob ng klase ay mapapansing kaagapay ng guro at estudyante ang teknolohiya kagaya ng Cellphone, Laptop, Tablet, Computer upang mapadali ang talakayan at leksiyon.

Ang Computer at Laptop ay nakatulong ng malaki sa ating mga mag-aaral lalung-lalo na sa aspeto ng pananaliksik at pagtuklas. Maaaring hindi na kailangang gumamit ng libro upang kumuha ng mga kakaunting impormasyon dahil may makabagong teknolohiya maaaring maka-access ng internet. Ang Internet ay mas lalong mahalaga dahil kung walang internet ay di mo magagamit ang kahalagahan ng kaalaman o di ka makakapag  siyasat ng iyong hinahanap. Ang Cellphone na kadalasang ginagamit sa pagkomunikasyon o sa pag reresearch ng mga takdang aralin at iba pa. Ang Projector na ang ginagamit sa mga klasrum ng mga estudyante.  Natutulungan nito ang mga guro na maipakita ang biswal na larawan ng kanilang itinuturo at makita ng mas malaki ng mga ma-aaral. Ang Calculator ay bahagi din ng makabagong teknolohiya upang mapadali ang adisyon, pagbabawas , pagmumultiplikasyon , pag-hahati o sa madaling salita ay pagbibilang.

Ang Batayang Teoretikal ng Aklat o Tablet ay batay sa payo sa pagtuturo ni McKeachie/Svinicki (2014). Ayon sa kanya, ang pagtuturo gamit ang teknolohiya ay maaaring makapagdulot ng kaalaman sa tao batay sa iba't-ibang imahe depende sa sariling mga karanasan ng instructor at mag-aaral. Ito ay maaari ding gamitan ng PowerPoint tungo sa pagtugon ng mga mag-aaral sa loob ng silid aralan sa kanilang mga aralin at ang iba rin ay maaring tumutukoy sa mga aplikasyong pang disiplina tulad ng pagdidisenyo ng mga interactive na mga module sa pag-aaral at mga simulation Web-based na magturo sa mga kasanayan at konsepto.

Totoo talagang ang teknolohiya ay may malaking naitulong sa buhay ng isang tao, mapa-guro man o estudyante. Gamitin natin ang mga teknolohiyang ito ng madalas para sa ating edukasyon. Dahil ang edukasyon ang natatanging kayamanan na hindi mananakaw ninuman. Ang isang taong edukado ay isang taong maalam sa buhay. Masasabi natin na malaking tulong ang teknolohiya sa pag-unlad ng iba’t ibang aspeto ng kaalaman at ng edukasyon. Dapat nating gamitin sa tamang paraan ang teknolohiya lalo na sa ating pag-aaral.

MANUEL, RISTTHER

https://www.verdict.co.uk/wp-content/uploads/2017/11/smartphones.jpg